Amurka da Saudiyya sun bada sanarwar cewa kasar Saudi Arabiya zata zuba jari na zunzurutun kudi dalar Amurka Bilyan dubu dari ko kuma trillion daya.
Shugabannin sun bayyana hakan ne lokacin da shugaba Trump ya karbi bakoncin Yerima Muhammad Bin Salman a fadar White House yau Talatan.
Shugaba Trump yana son ganin Saudiyya ta sihga jerin kasashen Larabawa da suka kulla huldar difilomasiyya da Isra’ila. Ita kuma Saudiyya tana son ganin an kafa kasar Falasdinu.
A ranar Litinin ne Amurka ta bada sanarwar zata sayarwa Saudiyya jiragen yaki samfuin F35.
Wannan shine karon farko cikin shekaru 7 da Yerima Muhammad Bin Salman zai kawo ziyara Amurka, tun bayan zargin da aka yiwa hadiman Yeriman na kashe wani dan jaridar Washington Post, Jamal Kashoggi, wanda dan kasar Saudiyya ne.
