Wani harin makami mai linzami da Ukraine ta kai ya yi mummunar barna a kan ababen more rayuwa da makamashi tare da dakile samar da wutar lantarki da zafi da kuma ruwa a yankin Belgorod na Rasha da ke kan iyaka da Ukraine, in ji gwamnan yankin a safiyar ranar Litinin.
“A sakamakon haka, an sami mummunar lalacewa ga kayayyakin makamashi,” in ji Gwamna Vyacheslav Gladkov a kan Telegram. “A cikin gidajen, ana samun katsewar wutar lantarki, ruwa da na’urar dumama daki.”
Ladkov ya bayyana harin a matsayin “mai girma”, wanda ya shafi duka birnin Belgorod mai tazarar kilomita 40 daga kan iyaka da kuma yankin da ke kewaye. Ya ce za a tantance girman barnar da aka yi a safiyar Litinin.
Belgorod na fuskantar hare-hare akai-akai daga dakarun Ukraine a rikicin wanda za a yi bikin cika shekaru hudu a wannan makon.
