An bude Gasar Firimiya ta Mata NWFL 2025
A ranar Laraba 26 ga watan Nuwamban 2025, a bude Kakar gasar Firimiya ta Mata ta Najeriya (NWFL) da wasanni a Cibiyoyi tara a fadin Najeriya.
Wasan da aka yaye labule a hukumance a filin wasa na Samson Siasia da ke Yenagoa, inda zakarun gasar Bayelsa Queens suka yi nasara a kan masu rike da kambun gasar 2024 Edo Queens da ci 3-2.
A Makurdi, Adamawa Queens ta fara kakar wasa da kafar dama, inda ta doke Pacesetter Queens da ci 2-0 ta kafar Ifeoma Damian da Mary Sunday.
Yayin da Ƙungiyar Heartland Queens ta yi nasara a Owerri, inda ta doke Ekiti Queens da ci 2-1, sakamakon bugun daga kai sai mai tsaron gida.
A Abuja, ƙungiyar Ibom Angels ta yi kunnen doki da Naija Ratel.
Ƙungiyar Nasarawa Amazons, wadda ta zo ta biyu a kakar wasa ta bara, ta samu nasa da ci 2-1 akan Delta Queens.
A Iyamho, Abia Angels ta tashi canjaras 2-2 da Confluence Queens.
A Akure, FC Robo Queens ta samu nasara mai mahimmanci a kan Sunshine Queens da ci 1-0, a bugun daga kai sai mai tsaron gida daga Marvellous Oladuni.
A wasan da akayi a Onikan da ke Legas, Dannaz Ladies ta doke Osun Babes da ci 3-2.
A Umuahia, sabbin haurowa gasar Ahudiyannem Queens sun yi canjaras 0-0 da Remo Stars Ladies, wanda hakan ya kawo ƙarshen wasan farko mai cike da tarihi a tsakiyar mako.
