Hukumar shirya Gasar kwallon kafa ta Firimiya lig ta kasar Ingila ta tabbatar da cewa kakar wasan 2026/27 za ta fara mako guda bayan yadda aka saba, wanda hakan ke nuna farkon kakar wasa a tarihin gasar.
An cinma wannan matsayar ne bayan taron masu hannun jari a ranar Juma’a da safe, domin magance matsin lamba da ‘yan wasa ke fuskanta sakamakon “kalandar kwallon kafa ta duniya da ke kara cunkushiwa”.
Anyi wannan canjin jadawalin don rage rudanin kalanda, sabon jadawalin zakarun da ke tafe za su fara a ranar Asabar, 22 ga Agusta, 2026, maimakon karshen mako na tsakiyar watan Agusta.
Za a yi zagaye na karshe na wasannin a ranar Lahadi, 30 ga Mayu, 2027, kwanaki shida bayan kammala gasar da aka tsara a wannan kakar.
Jami’ai sun ce matakin, yana tabbatar da isasshen hutu ga ‘yan wasan bayan fadada gasar cin kofin duniya mai kungiyoyin kasashe 48 da za’a a kara su ne Canada, Mexico da Amurka.
Lura da gasar cin kofin duniya, wacce za a kammala a tsakiyar watan Yuli na 2026, ta tura ‘yan wasa da yawa zuwa ga gajiya.
Mafita ta Premier League ita ce tazarar kwanaki 89 daga karshen wannan kakar da kuma tazarar kwanaki 33 bayan kammala gasar cin kofin duniya.
