Liverpool ta fuskanci ƙarin matsaloli bayan ta sake shan kashi, inda ta sha kashi da ci 4-1 a hannun PSV a Anfield a gasar zakarun Turai.
Rashin nasarar ya ci gaba da zama mummunan yanayin wa ƙungiyar a karkashin maihoraswa Arne Slot hakan kuma zai haifar da ƙarin alaman tambaya game da matsayin sa a ƙungiyar.
Slot ya kuma rasa ɗaya daga cikin sabbin ‘yan wasan da ya saya sakamakon rauni da yaji a wannan daren ya kasance baraza ga ƙungiyar ta Liverpool.
Bayan PSV ta ɗauki dukkan maki uku a Anfield a yanzu haka Liverpool tayi rashin nasara tara kenan daga wasanni 12 da suka gabata a duk gasa.
Inda gasar Premier ɗinsu ya kasance mai ban tsoro amma sun fi kyau a wasan Turai kafin zuwa rashin nasara a ranar Laraba a hannun ƙungiyar Eredivisie.
Wanda hakan ya jefa ƙungiyar zuwa matsayi na 13 a jadawalin gasar zakarun Turai.
Sakamakon kuma ya ƙara matsin lamba ga Slot, inda magoya baya ke mamakin yadda kocin zai iya canza yanayin da ke ciki
Slot ya kuma rasa Dan wasan sa wanda ya saya a lokacin bazara, Hugo Ekitike sakamakon rauni a lokacin wasan.
Dan wasan dan kasar Faransa, ya samu raunin ne a mintina 60’ da farawa, Hugo ya ya taimaka wa Liverpool inda ya zura kwallaye shida a sabuwar kungiyarsa a wannan kakar a dukkan gasar da ya buga mata bayan samun raunin nasa wadda ala ty ilas aka maye gurbinsa da Alexander Isak.
