Shugaban kasar Mozambique Daniel Chapo, yayi bikin bude kamfanin sarrafa ma’adinai da ake kira graphite da turanci, wanda zai rika samar da ma’adanai ton dubu metan a shekara, a wani wurin hakar ma’adinai na wani kamfanin kasar China. Anyi bikin ne ranar jumma’a yunkurin kasar na fadada hakar ma’adinai da ake amfani da su wajen hada batura.
Hukumar kula da albarkatun karkashin kasa ta Amurka, ta ce ana tonan wannan ma’adanai ton milyan daya da dubu dari shida a fadin duniya a duk shekara, kuma Mozambique tana daga manyan kasashe da Allah ya yi wa albarkar wannan ma’danai wanda ake amfani dashi wajen hada baturan motoci da basa aiki da mai, da kuma na woyoyin selula.
A jawabinsa wajen bikin shugaba Chapo, yace “Yau muna shiga taswirar masana’antu a duniya, “yanzu mu ba kawai muna samar da kayayyaki da masana’antu suke sarrafawa ba, amma har hakowa da sarrafawa, sannan mu kai shi ketare.”
Kamfanin na kasar China DH Mining, wanda ya fara aikin hakar ma’adanan tun a shekara ta 2014, a kasar, yace ya zuba jarin fiye da dala milyan 200 a wannan fanni. Ya samarda ayyukan yi ga mutane 890 kuma zai karu zuwa 2000.
China ce take da mafi yawan wannan ma’adanai da aka sarrafa a duniya, kuma ta mamaye aikin hakowa da kuma sarrafa shi.
