An yanke hukumcin kisa yau Litinin a kan tsohuwar firayim ministar Bangladesh, Sheikh Hasina, da daya daga cikin manyan mukarrabanta, a saboda matakan da suka dauka na murkushe zanga-zangar dalibai da ta yi sanadin kashe daruruwan mutane a shekarar da ta shige.
Kotun da ta yi zama a Dhaka, babban birnin kasar, ta yanke hukumcin a kan Hasina da tsohon ministan harkokin cikin gidanta, Asaduz-Zaman JKhan, a saboda hannun da suke da shi wajen daukar matakin babu sani babu sabo a kan ‘yan zanga-zangar da ta kawo karshen mulkinta na shekara 15 a kasar.
An yanke wannan hukumcin ne a bayan idon Hasina da Khanm, wadanda suka gudu zuwa kasar Indiya tun bara. Ya zuwa yanzu, Indiya ta ce ba zata mika su ba, abinda ke nufin cewa zai yi wuya a aiwatar da hukumcin kisan a kansu.
Wani jami’in gwamnatin wucin gadi ta Bangladesh, yace an kashe mutane fiye da 800, aka raunata wasu fiye da dubu 14 a zanga-zangar da dalibai suka jagoranta a watannin Yuli da Agusta na shekarar da ta shige.
