Daga Ashiru Alhaji Mukhtar a Agedez Jamhuriyar Nijar
Ƙasar Nijar da hukumomin gabashin Libya sun rattaba hannu kan yarjejeniyar fahimtar juna domin ƙarfafa haɗin gwiwa tsakanin ɓangarorin biyu.
An rattaba hannu kan yarjejeniyar ne a ranar Lahadi, 1 ga Nuwamba, 2026, a birnin Benghazi na ƙasar Libya.
Firaministan Nijar, Ali Mahaman Lamine Zeine, da Janar Saddam Haftar, mataimakin babban kwamandan rundunar sojin gabashin Libya, ne suka sanya hannu kan yarjejeniyar a gaban shugaban gwamnatin gabashin Libya, Oussama Hammad.
Bayan kammala rattaba hannun, tawagogin ƙasashen biyu sun jaddada muhimmancin ƙarfafa tattaunawa, daidaita manufofi da ayyukansu, tare da ci gaba da tuntubar juna domin tabbatar da aiwatar da yarjejeniyoyin da aka cimma.
Sun kuma bayyana buƙatar ci gaba da sa ido kan matakan aiwatar da yarjejeniyar, domin tabbatar da cimma manufofin haɗin gwiwar da aka tsara.
