A safiyar talatan nan, Rasha ta auna hare hare kan manyan biranen ukraine biyu, har mutum daya ya rasa ransa, kamar yadda jami’an kasar ukraine suka fada kuma mutum daya ya rasa ransa sakamakon harin, ya gamu da ajali ne a birnin kharkiv dake arewa maso gabashin kasar.
Shugaban kula da harkokin mulki na sojojin ukraine Tymur Tkachenko, yace harin na Rasha da makamai masu linzami ya auna babban birnin kasar, sai dai magajin gari Vitali Klitsscko, yace makaman garkuwa ta sararin samaniya suna aiki.
Sheidun kamfanin dillancin labarai na Reuters sunce sunji karar wasu fashe fashe, sai dai nan da nan babu wani bayani akan wadanda suka jikkata ko irin barnar da harin ya haddasa ba.
