A ranar Alhamis, wani alkali a Amurka ya kalubalanci dalilin da yasa gwamnatin Amurka ta hana hambararren shugaban kasar Venezuela, Nicolas Maduro amfani da kudi daga kasar sa domin biyan lauyoyin da zasu kare shi a kotu bisa zargin safarar miyagun kwayoyi da Amurkan ke masa. Amma alkalin ya ce ba zai yi watsi da tuhumar da ake masa ba saboda wannan dalili.
Maduro tare da mai dakin sa sun sa Cilia Flores, sanye da kayan kurkuku, sun gurfana a wata babbar kotu dake Manhattan a birnin New York, fiye da watanni biyu bayan da sojojin Amurka suka kamo su a wani samame da ya bada mamaki a fadar su dake Caracas, babban birnin Venezuela.
Maduro mai shekaru 63, da matar sa mai shekaru 69, sun nemi alkali yayi watsi da tuhumar da ake musu, inda suka ce rashin damar samun kudi daga Venezuela na kawo musu cikas wajen damar da suke da shi na daukan lauyan da suka zaba wanda hakan ke kunshe a cikin kundin tsarin dokar Amurka.
Sun Kuma musanta laifin tuhumar da ake musu na safarar mugayen kwayoyi. Ana ci gaba da tsare su a wani kurkuku a Brooklyn dake New York.
