Wani sanyi mai tsanani ya ketaro ya mamaye jihohin da suke arewa ta tsakiyar Amurka.
Masana yanayi sun ce a ranar talata, sanyi mai tsananin gaske, wanda ke mizanin kasa da sifili, ya mamaye sassan jihohin Iowa, Nebraska, Minnesota da kuma Wisconsin.
Wannan yana zuwa a yayin da kamfanonin wutar lantarki ke kokarin maido da wuta ga dubban mutanen da suka rasa ta a sanadin dusar kankara mai yawa da kuma iska mai karfin gaske da suka ratsa yankin na arewa ta tsakiya da yankin manyan tabkuna dake bakin iyakar Amurka da Canada, da kuma jihohin dake arewa maso gabashin nan Amurka.
Wani mai kula da gidan wutar haska hanya ma jiragen ruwa ta Big bay Point dake tabkin Lake Superior a jihar Michigan yace bai taba ganin iska mai karfin wadda ya gani a wannan makon ba tun komawarsa yankin da zama a 2018.
Yace iskar mai tafiyar kilomita 121 cikin awa daya, ta girgiza gidan, ta tsinke wutar lantarki na tsawon awa 40, abinda ya sa sai da yayi amfani da fitila ta mai.
