A Zimbabwe, hukumomin kiwon lafiya a kasar Ranar Alhamis suka fara bada allurar rigakafin kamuwa da cuta mai karya garkuwar jiki ko HIV/AIDS da turanci, ana kiran maganin Lenacapavir, wadda ya sanya kasar dake kudancin Afirka ta zama ta farko a fadin duniya da fara amfani dashi ga al’umma, a kokarin da take yi na hana sabbin mutane kamuwa da cutar.
Ministan kiwon lafiya na kasar Douglas Mombeshora yace shirin da Amurka da kuma wani asusun kasa da kasa a bangaren kiwon lafiya suka dauki nauyinsa, da farko za’a auna shi ga mutane fiye da dubu 46 wadanda suke da kasadar iya kamuwa da cutar, a wurare daban daban 24.
Ministan yace Zimbabwe ta karbi allurar zubin farko kuma har ta yi wa wasu Allurar a farkon watan nan, kuma zata ci gaba da rigakafin rukuni rukuni.
Hukumomin duniya suna yabawa kasar saboda kokarin da tayi wajen yaki da cutar da kuma jinyar wadanda suka kamu da ita.
