Kididdigar ma’aunin hannayen jari na manyan kasuwanni uku a Wall Street duk sun yi kasa a yau, irin asarar da rabon da Ayi ta tun watanni uku da suka wuce, saboda rage-ragen sai da hannayen jari da ake ta yi sakamakon barazanar da Shugaban Amurka Donald Trump ya yi na sanyawa tarayyar Turai haraji mai tsauri kan kayan shiga, wanda ake ganin zai kawo hatsaniya a kasuwanni hannun jari.
S&p 500 ta yi asarar maki 143.15 ko kashi 2.06 cikin 100, inda ta kare da maki 6,796.86, yayin da Nasdaq Composite ta yi asarr maki 561.07 ko kashi 2.39 cikin 100, ta kare da maki 22,954.32. ita kuwa Dow Jones ta yi asarar maki 870.74 ko kashi 1.76 cikin 100, ta kare da maki 48,488.59.
A karshen makon da ya gabata ne shugaba Trump ya yi barazanar saka haraji me yawa kan kaya daga Tarayyar Turai idan basu mika masa mallakin Greenland ba, musamman ma kungiyar NATO, ta wuce gaba wajen ganin Amurka ta mallakin tsibirin mafi girma a duniya.
