Lokacin da mataimakin shugaban Amurka JD Vance ya sauka a Islamabad domin shawarwari yau Asabar, da jami’an Iran, hakan zai cika burin shugabannin Iran da suka rage, wadanda su ne suka nemi mataimaki shugaban na Amurka ya jagoranci shawarwarin kawo karshen yakin, kamar yadda majiyoyi da dama wadanda suke da masanaiya dangane da shawarwarin ska fada.
Farisa tana kallon JD Vance a zaman daya daga cikin wadanda basa goyon bayan yaki a sahun gaba da wadanda suke kusa da shugaba Donald Trump, kamar yadda wani jami’i daga yankin, da wasu mutum hudu wadanda suke da masaniya dangane da shawarwarin.
Wannan ra’ayi na Vance, wanda yana daga cikin matsayar da aka sanshi da shi a fagen siyasa, ya sa Iran ta hakikance cewa, a cikin wadanda suke da kusanci, da shugaba Trump, Vance ne zai gudanar da shawarwari tsakani da Allah, inji wata majiya da ta bukaci a sakaye sunanta, domin tattaunawa kan batutuwa na difilomasiyya na sirri.
Sai dai babu almar JD Vance zai dauki matsaya na sassautawa Iran, fiye dasauran wakilan Amurka da shugaba Trump ya wakilta, domin tuni Trump yayi barazanar sabunta kai wa Iran harin bama-bamai.Wani jami’i a fadar White House yace shugaba Trump ne ya yanke shawarar tura mataimakina JD Vance zuwa shawarwarin da za’a yi a Pakistan, kuma shugaban na Amurka ne kadai zai yanke shawara kan matsayar da zai goyi baya a shawarwarin na Islamabad.
