Dan wasan kwallon kafa na Barau FC dake Kano a tarayyar Najeriya Muhammad Umar ya lashe Gwarzon dan wasa na wasa (Man of the Match) a fafatawar da ƙungiyar tayi da Enugu Rangers cikin gasar Firimiyar Najeriya 2025 mako na 12 a jiya Litinin.
Barau FC ta doke Enugu Rangers ne da ci 2-0 a filin tunawa da Sani Abacha kofar mata Kano. Bayan kashi daga wasan mai horan da ƙungiyar Ladan Bosso ya bayyanawa manema labarai yadda suka ji da wannan nasara da suka samu.
“Ina godiya wa Allah da wannan nasara kuma ina da tabbacin cewa zamu cigaba da farantawa magoya bayan rai, fatan mu shine mu fice daga wannan mataki da muke ciki don samun wakiltar Najeriya a wasannin Kwantinaltal na Afrika” a cewar Bosso.
Ƙungiyar ta Barau FC tana samun kalubale wajan zura kwallon a raga, wanda hakan yake kawo mata cikas inda take matsayi na 16 daga kasan teburen gasar Firimiyar Najeriya ta 2025.
