‘Yan Fashi Sun Shiga Gidan Alex Iwobi A Ingila
Wani rahoto na cewa an yi wa ɗan wasan gefe na tawagar ƙungiyar ƙwallon ƙafa na Super Eagles Alex Iwobi fashi a gidansa da ke Ingila, inda aka kiyasta cewa an sace kayayyaki masu daraja da kudinsu ya haura sama da biliyan 1 na kudin Najeriya a lokacin lamarin.
An kai wa Iwobi, wanda ke bugawa wasa wa ƙungiyar Fulham FC hari a wani fashi da makami da wasu mahara da ba a san ko su waye ba suka yi.
Rahotannin sun nuna cewa maharan sun shiga gidansa suka yi masa fashi.
Barayin ana zargin sun yi wa ɗan wasan barazana da wuka yayin da suke bincike a gidan kafin su tafi da wasu kayayyaki masu daraja.
An ruwaito cewa kayayyakin da aka sace sun haɗa da agogon hannu masu tsada, kayan ado, wayoyin iPhone guda biyu, da kwamfutar tafi-da-gidanka ta MacBook.
