Farashin mai a kasuwannin duniya yayi kasa kadan, waddaa yake nuna farashin mai yayi kasa da kamar kashi 15 cikin dari a shekaran nan da ta kare, saboda zaton za’a sami kwantai, sakamakon karin haraji kan cinikayya, karin mai da kunigyar kasashe masu arzikin mai OPEC suke fitarwa, da kuma takunkumin da aka azawa Rasha, da Iran, da kuma Venezuela.
Ahalinda ake ciki kuma, akalla jiragen ruwa masu dakon mai 2 sun isa Venezuela a cikin ‘yan kwanakin nan, yayinda wasu jiragen suka doshi can, a wani yunkurin da hukumar kula da harkokin mai na kasar take yi na fadada adana da kuma ci gaba da sayarda mai, duk da matakin killace kasar ta ruwa da Amurka take yi, wadda ya rage yawan mai da kasar take fitarwa.
A cikin wancan shekarar ne shugaba Donald Trump na Amurka ya bada sanarwar hana jiragen ruwa mas dakon mai da aka azawa takunkumi shiga ko fita daga Venezuela, a wani mataki na kara matsin lamba kan shugaba Maduro na kasar. Matakinda Amurkan ta dauka ya rage yawan mai da kasar Venezuela take sayarwa kamar da rabin abunda kasar ta fitar cikin watan Nuwambar 2025.
Amurka ta kama jiragen ruwa biyu wadanda suke cike makil da mai daga Venezuela, yayinda kuma jiragen ruwanta suna siintiri a tekun dake yankin na Carribean. Wannnan mataki ya tsorata masu jiragen dakon mai masu yawa, jirage kalilan ne suke zuwa kasar ta Venezueala wacce memba ce a kungiyar kasashe masu arikin mai watau OPEC.
