Shugaban Rasha Vldimir Putin, a jawabinsa na sabuwar shekara ta talabijin, yayi amfani da damar wajen jinjinawa dakarun kasar da suke yaki a Ukraine, yana mai karfafa musu guiwar cewa yayi imanin za su sami galaba a yakin da yake nunawa a zaman ko a mutu ko a rayu, a fafatawa da Rasha take yi da kasashen yammacin duniya.
Shugaban Amurka Donald Trump yana kokkarin kawo karshen yakin, wadda shine mafi muni a turai tun bayan yakin duniya na biyu, sai dai duka sassan biyu suna nesa da juna a shawarwarinda ake yi na neman kawo karshin riikicin.
Jawabin na shugaba Putin, wadda aka fara nunawa a can gabashin kasar mai nisa, yana zuwa ne a dai dai lokacinda Rashan ta nuna videon abunda ta kira paraguzan jirgi maras matuki data kakkabo, a wani hari da take zargi Ukraine ta auna kan gidan shugaban na Rasha.
Tuni dai Ukraine tayi watsi da labarin, tana mai fadin labarin karya ne da Rasha ta bullo dashi domin ta yi kafar Ungulu ga shawarwarin da ake yi da nufin kawo karshen yaki tsakanin kasashen biyu.
