Zanga-zangar nuna adawa da harin bama-bamai da Amurka da Isra’ila suka yi a Iran ya rikide zuwa tarzoma a Pakistan da Iraki a Ranar Lahadi, yayin da a wasu sassan duniya Iraniyawa da ke gudun hijira suka fantsama kan tituna domin murnar rasuwar Jagoran juyin juya halin Musulunci Ayatullah Sayyid Ali Khamenei.
Akalla masu zanga-zanga 23 ne aka kashe a wata arangama da aka yi a Pakistan, ciki har da 10 a tashar jiragen ruwa na Karachi inda jami’an tsaro a ofishin jakadancin Amurka suka yi luguden wuta kan masu zanga-zangar da suka keta katangar waje, 11 a birnin Skardu da ke arewacin kasar inda jama’a suka kona ofishin Majalisar Dinkin Duniya, biyu a Islamabad.
A Iraki ‘yan sanda sun harba barkonon tsohuwa da gurneti domin tarwatsa daruruwan masu zanga-zangar goyon bayan Iran da suka taru a wajen harabar ofishin diflomasiyyar Green Zone da ke Bagadaza babban birnin kasar, inda ofishin jakadancin Amurka yake.
Sai dai a birnin Paris, dubban jama’a ne suka fito domin murnar zagayowar ranar haihuwarsu, suna daga tutocin daular Iran kafin juyin juya hali, wasunsu dauke da jajayen wardi da kwalaben shampagne.
