Wani jirgin sama na farar hula ya karya dokar hana zirga-zirgar jirage a wani yanki a ranar Lahadi kusa da gidan Shugaban Amurka, Donald Trump, na Mar-a-Lago da ke karamar hukumar Palm Beach, a jihar Florida, kafin daga bisani aka “rakashi cikin aminci daga yankin,” a cewar North American Aerospace Defense Command.
A cikin wata sanarwa, NORAD ta ce jirgin ya karya dokar takaita zirga-zirgar jirage ta wucin gadi da misalin ƙarfe 1:15 na rana agogon yankin. Ana yawan sanya irin wannan dokar ne idan Shugaban Amurka yana cikin yankin.
“Yayin da aka tare jirgin, jiragen NORAD sun harba fitilun gargadi, waɗanda jama’a na iya gani,” in ji sanarwar. “An yi amfani da fitilun ne domin jan hankalin matukin jirgin ko sadarwa da shi,” tare da jaddada cewa ba su haifar da wata barazana ga mutanen da ke ƙasa ba.
NORAD ta bayyana cewa an samu irin waɗannan abubuwa sau da dama tun bayan dawowar Trump kan mulki a bara, kuma dukkan su an shawo kansu ba tare da rahoton wata barazana ba.
