GA FILI GA DOKI- Shiri ne na musamman daga nan GTA Hausa gidan rediyon Amurka Ke Magana, da zai rika kawo muhawara tsakanin sassa biyu masu hamayya da juna kan lamuran siyasa, sarauta, lamuran gwamnati da sauran harkoki masu muhimmanci na rayuwar al’umma.
Manufar shirin itace tantance gaskiya ta hanyar la’akari da wanda ya fi karfin hujja a tsakanin bangarorin biyu masu bambancin ra’ayi. GA FILI GA DOKI zai rika zuwa a duk ranar Litinin da karfe 6 na safe agogon Najeriya, Nijar, Kamaru da Chadi wato karfe 5 na safe agogon GMT da Ghana. Masu sauraro ku rika kasancewa da shirin GA FILI GA DOKI tare da Nasiru Adamu El-hikaya don yin alkalanci kan hujjar da ta fi kwari.
