Da dama daka cikin kasashe ‘yan kawancen Amurka sun yi watsi da kiran da shugaba Donald Trump yayi na su aike da jiragen yaki mashigin ruwa na Hormuz, abinda ya janyo suka daga shugaban na Amurka, wanda ya Zargi kasashen na yamma da nuna rashin godiya bayan shafe shekaru ana mara musu baya.
Daga cikin kasashen dake kawance da Amurka, da suka hada da Jamus, Spain da Italy sunce basu da wani shiri na aikewa da jirage don taimakawa wajen bude mashigin ruwa na Hormuz, wanda Iran ta rufe.
Shugaban Jamus Friedrich Merz, da yake magana a birnin Berlin, yace basu da umurni daga Majalisar Dinkin Duniya, ko Tarayyar Turai ko kungiyar NATO, ya kara da cewa fadar Washington bata tuntube su ba kafin ta fara yaki da Iran.
