Libya ta sanya hanu kan wata yarjejeniya da kamfanonin mai na Total Enegies daga Faransa, da kuma ConocoPhillips na Amurka na tsawon shekaru 25, kudi fiye da dala bilyan ashirin jari daga ketare, inji PM kasar Abdulhamid al-Dbeibah.
Reshen kamfanin mai na Libya da ake kira Waha, wanda ya sanya hanu a madadin kasar, yarjejenyar zata bunkasa mai da kasar take hakowa zuwa ganga dubu 850 a ko wacce rana, wadda zai samar da kudi dala bilyan 376, kamar PM ya fada a shafinsa dake dandlin X.
Wata majiya kusa da kamfanin mai na Libyan Waha yace kasar tana hako kimanin ganga dubu 340-400 a ko wace rana.
Haka nan kamfanin ya sanya hanu kan wata kwariya-kwariyar yarjejeniya da babban kamfanin mai daga Amurka Chevron, da kuma ma’aikatar mai ta kasar Masar, a lokacin wani bikin baje koli ta fuskar makamashi da Libyan tayi a birnin Tripoli.
