Ghana ta tono zinari ko Gold milyan 6 a ma’auni wanda ya kai wani mizani, a shekarar 2025, kamar yadda kwarya-kwaryar alkaluma suka nuna, inda manyan kamfanonin hakar zinarin suka samar da milyan kusan uku wadda bai canza da abunda suka samar a cikin shekara ta 2024 ba, kamar yadda Kungiyar kamfanonin hakar ma’adinai na cikin gida da na ketare suka fadawa kamfanin dillancin labarai na Reuter a jiya Alhamis.
Sai dai masana’antun hakar zinarin sunyi gargadin cewa a yi hattara domin hasashen abunda za’a tono a shekara nan watau milyan 6.5 yana fuskantar hadari saboda shirin gwamnatin na garambawul ga kudin haraji da take karba, mataki da suka ce yana iya jinkirta fara sabbin ayyuka da kuma fadada wadanda ake da su ahalin yanzu.
Shugaban kungiyar masu hakar ma’adinai Kenneth Ashigbey, yace abunda aka tono a bara ya zarce hasashen da suka yi saboda ayyukan matsakaita da kananan masu hakar zinari.
Ahalinda ake ciki kuma, manoman Cocoa a Ghana sun fada ‘yunwa saboda an kasa biyan su hakkin su.
