Rundunar yan sandan jihar Bauchi ta ceto wani mutum mai matsakaicin shekaru, Muhammad Lawan da aka fi sani da Babangida, wanda ake zargin mahaifinsa ya tsare shi a cikin gida tare da daure shi da sarka na tsawon shekaru goma sha bakwai (17).
Wani dan kishin kasa ne ya sanar da ’yan sanda cewa Babangida yana tsare a gidan mahaifinsa, Mohammed Lawan, ba tare da kulawa ba.
Bayan samun rahoton ne, tawagar ’yan sanda karkashin jagorancin DPO na B Division tare da kakakin rundunar ‘yan sandan jihar Bauchi suka kai samame kauyen Shadawanka da ke Karamar Hukumar Bauchi, inda suka ceto mutumin cikin halin rauni da tsananin yunwa.
An kama mahaifin wanda aka ceto, kuma yana tsare a hannun ’yan sanda. An kuma garzaya da wanda aka ceto asibiti domin samun kulawar gaggawa, bisa umarnin
da Kwamishinan ’Yan Sandan Jihar Bauchi
Sani-Omolori Aliyu, ya bayar.
