Ƙungiyar kwallon kafa ta Kano Pillars ta samu nasarar soke ƙungiyar kwallon kafa ta Ikorodu City da ci 2 da 1, a gasar Firimiyar lig na Najeriya (NPFL) 2025 mako na 14.
Kano Pillars ce ta fara jefa kwallo a raga a cikin minti biyu kacal da fara wasan ta kafar Kaftin din ta, Rabi’u Ali, bayan mintuna na talatin da biyu kafin tafiya hutun rabin lokaci dan wasa Olakunde Akala, ya zura kwallo ta biyu.
Inda ita ma Ikorodu City tayi kukan kura a minti na arba’in da biyar ta jefa kwallo daya ta kafar dan wasanta Joseph Arumala, haka dai aka tashi a wasan, 2-1 wasan da aka buga shi a filin wasa na Katsina.
Duk da nasarar da ta samu har yanzu kungiyar tana kasan teburen gasar a matsayin na 20 da maki 9.
Jami’in hulda da jama’a na ƙungiyar Kano Pillars Abu Isa ya ce suna da kwarin gwiwa cewa zasu farfado daga halin da suke ciki na koma baya da suka samu a wasannin baya, wadda hakan shi ya jefata cikin wannan Kalubale.
A ranar Lahadi 30 ga watan Nuwamban 2025 ƙungiyar zata ziyarci Rivers United a wasan mako na 15
