Papa Roma Leo yayi gargadin cewa akwai kasadar tsarin mulkin demokuradiyya yana kan rushewa a koma mulkin kama kariya, hakan yana kunshe ne a cikin wasikar da fadar Vatican ta fitar a ranar talata, kwana biyu bayan da shugaban Amurka Donald Trump ya caccaki shugaban darikar katholika a shafin sada zumunta.
Papa Roma Leo, ba Amurke na farko da aka nada kan wannan mukami, a cikin wasikar da ya aikewa wani taro a fadar Vatican kan amfani da karfi a kasashe da suke bin tafarkin demokuradiyya, shugaban darikar katholikan yace tafarkin demokuradiyya zai ci gaba da wanzuwa muddin aka dora shi kan gaskiya.
Papa Roma Leo ya ci gaba da cewa, muddin tafarkin ya rasa wannan harsashi, akwai kasadar tsarin ya koma na karfafa, ko kuma babakere ta fuskar tattali arziki da fasaha.
Wasikar da fadar ta Vatican ta bayyana a yayinda Papa Roman yake ziyarar aiki na kwanaki 10 a kasashen Afirka hudu, kai tsaye bai ambaci sunan Amurka ko wata kasa mai bin tafarkin demokuradiyya ba.
