Za’a buga wasan karshe tsakanin tawagar Super Eagles ta Najeriya da Leopards ta Jamhuriyar DR Congo.
Super Eagles ta Najeriya za su fafata da Leopards DR Congo a ranar Lahadi a wani wasa mai cike da kalubale, inda ake sa ran Afirka za ta fafata a wasan share fage na gasar cin kofin duniya ta FIFA ta 2026.
Super Eagles sun samu nasarar zuwa gasar karshe na share fage ta Afirka bayan sun yi nasara a kan Gabon (4-1) ita kuma DR Congo ta doke Kamaru (1-0).
A tarihi, wadannan kungiyoyi biyu sun kara da juna sau shida.
Jamhuriyar Congo ce ke kan gaba da ta samu nasara a wasani uku, inda Najeriya ta yi nasara a wasanni biyu, yayin da haduwa daya kawai ta kare da kunnen doki.
Cikakkun sakamakon fafatawar Najeriya da DR Congo
05/11/1966: Najeriya 3-2 DR Congo
26/11/1966: DR Congo 1-0 Najeriya
27/12/1966: DR Congo 1-0 Najeriya
03/03/2010: Najeriya 5-2 DR Congo
08/10/2015: Najeriya 0-2 DR Congo
28/05/2018: Najeriya 1-1 DR Congo
Wakilin Sashin Hausa na GTA Hausa ya tattauna da Kodineto na kungiyar Super Eagles Mr Pascal Patrick, da yake tare da tawagar ‘yan wasan, a kan yadda ake ganin akwai ‘yan wasa biyu na Najeriya da baza su buga wasan ba.
Mai tsaron raga Stanley Nwabali yanzu ba a san ko zai buga ba, bayan ya ji rauni a wasan da Najeriya ta samu nasara kan Gabon da ci 4-1.
Shi kuwa mai tsaron raga Maduka Okoye na Udinese yana shirin maye gurbinsa. Dan wasa na biyu shine
Wilfred Ndidi dan wasan tsakiya bayan da ya samu katin gargadi. (Yellow card) guda biyu.
Mr. Patrick yace mahukunta a gasar sun tabbatar da cewa Wilfred Ndidi zai buga wasan, kuma hakan ya musu dadi.
Ya kara da cewa mai tsaron ragar Nwabali, ya halarci wani atisaye na wani bangare a ranar Asabar, yayin da sauran masu tsaron raga biyu, Okoye da Amas Obasogie, suka kammala atisayen su gaba daya.
Kocin Najeriya Eric Chelle yace, yana jiran cikakken rahoton likita kafin ya tabbatar ko Nwabali zai yi wasa da DR Congo.
GTA Hausa ta samu zantawa da dan wasan tsakiya na Super Eagles Alhasan Yusuf, inda ya bayyana mana karfin gwiwar samun nasara akan DR Congo, ya kuma bukaci ‘yan Najeriya da su taya su da addu’a.
‘Yan wasan da zasu buga wa DR Congo a cikinsu akwai, Aaron Wan‑Bissaka (West Ham United) mai tsaron baya na fukafikin hagu.
Inda yace zasu daura wajan samun nasara akan Najeriya, Wan-Bissaka yana karfafa tsaron DR Congo, inda ake ganin zai rage hanyoyin da Najeriya ta saba bi a gefen hagu.
Za’a buga wasan ne a ranar Lahadi 16 ga watan Nuwamban 2025, a babban Birnin Kasar Moroko.
