Farashin mai ya doshi dala dari kan ko wace gangar mai, saboda fargabar za’a fuskanci kassarawar mai daga Saudiyya, da kuma karancin mai da zai bi ta mashigin ruwa na Hormuz, duk da haka farashin man zai fadi sosai a farashinsa a mako mako, zuwa farashi da aka yi cikinsa cikin watan Yuni, ganin da alamun tsagaita wutar da aka cimma yana aiki.
Farashin mai mai darajar Brent ya tashi centi 40 na kudin Amurka, ya tsaya kan dala 96.32 kan ko wace gangar mai, yayinda mai da ake kira West Texas ya tashi da centi 84 ya tsaya kan dala 98.71 akan ko wace ganga.
Duka darajojin man biyu sun fadi da kashi 12 cikin dari a makon nan, bayanda Amurka da Iran suka amince ranar talata na tsagaita wuta na tsawon mako biyu, wadda Pakistan ta shiga tsakani aka kulla.
Duk da haka ana ci gaba da fada, kuma har yanzu ana ci gaba da takaita zirga zirgar jiragen ruwa masu dakon mai da suke bi ta mashigin ruwa na Hormuz, wadda ya sanya farashi mai kusa da dala dari kan ko wace ganga, lamari da ya sa mai yayi tsada a gidajen mai.
Wata babbar tawagar Iran a shawarwari da zata yi da Amurka ta sauka a birnin Islamabad.
Farashin mai ya ragu da kashi 12 cikin dari a makon nan, duk da cewa har yanzu zirga zirga bata mike a mashigin ruwan Hormuz ba.
Anyi bikin fara aikin hakar mai na hadin guiwa tsakanin Mugadishu da Turkiyya.
