A Ranar Jumu’a kotun kolin Amurka ta soke wasu harajin kayan fito da shugaba Donald Trump ya kakabawa kayan da ake shigo da su daga wasu kasashe. Kotun ta ce ya zarce gona da iri wajen yin amfani da dokar da aka tanada don ayyana dokar ta baci a kasa.
Alkalan kotun kolin sun kasu kashi 6-3, inda shida suka ce kakaba haraji na kayan fito da shugaba Trump ya yi a kan kayan da ake shigowa da su Amurka daga sauran sassan duniya bashi da hurumi a cikin dokar 1977, wadda ake kira da ayyana dokar ta baci kan kula da tattalin arzikin kasa (IEEPA).
Wannan doka ba duka harajin da Trump ya kakaba ta soke ba. Akwai wasu da ya yi amfani da wasu dokokin da ban ya sasu, kamar Wanda ya sa kan karafunan steel da aluminuim. Da kuma wadanda ya kakaba saboda mai da martani ga wasu kasashe kamar China da ya sa mata kashi 34 cikin dari, ya kuma sa 10 cikin dari ga sauran kasashen duniya, sannan kuma ya kakabawa wasu kaya daga kasashen China, Mexico da Canada saboda abinda gwamnatin Trump ta kira gazawar su wajen dakile shigowar maganin nan mai hadari na fentanyi.
