A yau Laraba matasan gidan Professor Isa Ali Pantami da suka hada mishi fiye da Naira miliyan sittin (N60,000,000) kudin siyan form din tsayawa takara sun cika burinsu na siyan form din.
Idan baku manta ba a ranar Jumma’a da ta gabata Matasan da Professor Isa Ali Ibrahim (Pantami), CON, PhD, yayi silar taimakon rayuwarsu da masoyanshi suka kudiri aniyar saya mishi form din tsayawa takarar Gwamnan jihar Gombe a kokarin matasan na maida halaccin taimakonsu da Professor Isa Ali Pantami yayi a rayuwarsu.
Wannan dalilin yasa matasan suka kafa kwamitin gaggawa a tsakaninsu ba tare da wani ya saka su ba, inda a cikin kwanaki biyu kacal suka hada fiye da Naira miliyan sittin (N60,000,000) kudin da ya zarce na iya siyan form din.
Dukkannin mutanen da suka bada gudummuwarsu babu wanda aka saka ya bayar kowa radin kanshi
Wannan yake kara nunawa duniya cewa Majidadin Daular Usmaniyya ya kafa matasa da ayyukan yi a damar da ya samu.
A yau Laraba wakilan wasu daga cikin matasan suka je inda ake saida form din, suka cika burinsu na siyawa Malam Isa Ali Pantami form din kamar yadda suka kudiri aniya.
