Farashin danyen mai da iskar gas sunyi tashin gowron zabbi a ranar talata, saboda harin da Amurka da Isra’ila suke kaiwa kan Iran, ya tsaida jigilar makamashi daga gabas ta tsakiya, Iran tana kai hari kan jiragen ruwa da tashoshin makamashi, da rufe hanyoyin zirga zirgar ruwa a yankin Gulf, kuma hakan ya tilasta tsaida ayyukan mai da iskar gas a daga Qatar zuwa Iraqi.
Danyen mai da ake kira Brent ya tashi da kashi takwas cikin dari a yau talata-sama da dala 83 akan ko wani gangan mai daya, farashi mafi yawa rabon ayi cinikinsa kan haka tun cikin watan yulin shekara ta 2024, wanda ya nuna farashin ya karu da fiye da kashi 15 tun ranar Jumma’a. Farashin iskar gas a turai ya tashi da kamar kashi 40 cikin dari, kamin daga baya ya sauka, wanda kari ne kan tashin farashin zuwa kashi 40 cikin dari a ranar litinin. Ha kama farashin sukari, da taki duk sun tashi.
Yakin yana iya janyo sabon hauhawar farashin kayayyaki wadda zai iya tsaida farfadowar tattalin arziki a turai da asiya, musamman idan artabun da ake yi ya dauki lokaci mai tsawo, a yankin da yake samar da kusan kashi daya cikin uku na makamashi da duniya take amfani da shi.
