Manoma a fadin duniya suna fuskantar tsadar taki da mai yayinda yaki da ake yi a gabas ta Tsakiya yake kara tsanani, wadda yasa wasu manoman suka fara gwagwarmayar neman takin, yayinda damina take gabatowa.
Wannan yaki ahalin yanzu ya rufe mashigin ruwan Hormuz, wanda yasa kamfanonin harhada taki suka tsaida ayyukan su a yankin, kuma yayi mummunar kassara zirga zirgan jiragen ruwa da suke jigilar kayayyaki da manyan kamfanoni masu saye da sayar da taki a fadin duniya, yayinda manoma a turai da yankin Asiya suke shirin fara shuka.
Ahalinda ake ciki kuma Papa Roma Leo, ya saki wani video ranar Alhamis, yana addu’ar Allah ya sa shugabannin duniya suyi watsi da yaki a zaman hanyar warware rikici, a wani mataki na jawo hankali na ba safam ba, yayinda harin bama-bamai na hadin guiwa da Amurka da Isra’ila suke kai wa kan Iran ya shiga kwana na shida.
Papa Roma Leo, yana aikewa da sako ta video ako wani wata na sakon addu’arsa cikin watan. Sakon addu’arsa na watan Maris, shine kwance damara da kuma zaman lafiya.
