A ranar Jumma’a Britaniya ta baiwa Amurka izinin tayi amfani da sansanoninta domin ta kai hari kan sansanonin makamai masu linzammi da Iran take amfani da su ta kai hari kan jiragen ruwa da suke bi ta mashigin ruwan Hormuz.
Fadar gwammnatin kasar dake Downing Street tace, ministocin kasar sun tattauna a ranar juma’a kan yakin na Iran, da kuma matakin Farisa na killace mashigin ruwan Hormuz, kamar yadda sanarwar ta fada.
Ministan harkokin wajen Iran, Abbas Araqchi, a cikin wani sako da ya wallafa a dandalin X, yace Britaniya tana jefa rayuwar “yan kasarta cikin hadari,” ta wajen kyale Amurka tayi amfani da sansanoninta ta aukawa Iran, yace Farisa zata yi amfani da hakkinta na kare kanta.
PM Starmer ya fada cikin makon nan cewa, ba za’a ja Ingila ta shiga yaki kan Iran ba. Da farko yaki ya amince da bukatar Amurka tayi amfani da Sansanonin kasar domin kaddamar da hare hare kan Iran, har sai ya tabbatar da yin haka yana kan doka ko ka’ida.
