Ma’aikatar Baitulmali ta Amurka ta ce a ranar Laraba za ta ba wa kamfanonin da ke neman lasisin sake sayar da mai na Venezuelan ga Cuba, kamar yadda jagorar da aka wallafa a shafin intanet na sashen ya nuna, matakin da zai taimaka wajen rage matsalar karancin man fetur a tsibirin.
Tun bayan da Washington ta karbe ikon fitar da man da Venezuela ke fitarwa a farkon watan Janairu bayan kama shugaban Venezuela Nicolas Maduro.
Kasar Venezuela ta kasance sama da shekaru 25 itace babbar mai samar da danyen mai ga abokiyar kawancenta ta Cuba ta hanyar yerjejeniyar kasashen biyu da aka fi danganta da cinikin kayayyaki da ayyuka.
Mexico, wacce ta fito a matsayin mai sayar da kayayyaki, ita ma ta dakatar da jigilar kayayyaki zuwa tsibirin Caribbean tun lokacin da wani jigilar mai ya isa Havana a watan Janairu, a cewar bayanan jigilar kayayyaki.
Manyan gidajen kasuwanci da suka hada da Vitol da Trafigura ne ke rike da kaso mafi tsoka na man da Venezuela ke fitarwa, inda ake fitar da miliyoyin ganga zuwa Amurka, Turai da Indiya, da kuma miliyoyin karin ganga da aka adana a tashoshin Caribbean don sake siyarwa.
Shugaban Amurka Donald Trump ya ce kawayen Venezuela da ke karbar man fetur dinsu a matsayin wani bangare na musaya, biyan basussuka da sauran yarjejeniyoyin dole ne a yanzu su biya farashi mai inganci na kaya. Wadannan kawayen sun hada da China da Cuba.
