Wata haɗakar kungiyoyin fararen hula a Najeriya ta nemi gwamnatin Amurka da ta kakabawa Gwamna Umar Mohammed Bago na Jihar Neja takunkumin hana shiga ƙasar, wato ta hana shi bisa tare kwace duk wasu kaddarori na Gwamnan dake kasar ta Amurka.
Kungiyar dai ta zargi Gwamna Umar Bago da yin karan tsaye ga hakkin Dan Adam sannan da keta duk wasu hakkoki na Demokuradiyya,
A cikin wata takardar koke da suka aikawa Sakataren Harkokin Wajen Amurka ta hannun Ofishin Jakadancin Amurka a Najeriya, ƙungiyar mai suna (Concerned Citizens and Defenders of Democracy in Nigeria) ta ce gwamnan yana amfani da karfin mulki wurin kuntatawa masu sukar salon Mulkinshi duk da yadda matsalar tsaro ke ci gaba da ta’azzara a jihar.
Kwamred Yusuf Sitizin jigo a cikin wannan kungiya kuma wakilin Kungiyar Amanasti International yayi karin haske akan dalilinsu na daukar wannan mataki.
To Sai dai tini Gwamnatin Jihar Nejan tayi watsi da wadannan zarge zarge na wannan kungiya tare da nesanta Gwamna Bago daga duk wani zargi na cin zarafin Dan Adam Alh. Abdulbakee Ebbo shine Mataimaki na musamman ga Gwamna Umar Bago akan Kafofin sadarwa na zamani, yayi magana a madadin Gwamnatin Jihar ta Neja ga abinda yake cewa.
