An yi amfani da jiragen ruwa maras matuki a akai hare-hare guda biyu kan jiragen ruwan dakon mai a yankin Gulf, tun bayan da yaki ya barke tsakanin Amurka, Isra’ila da Iran, a cewar mahukuntan teku da manazarta, lamarin da ke nuna wata sabuwar barazana mai hatsarin gaske a hanyar jigilar kayayyaki.
Samuwar amfani da jiragen ruwa marasa matuki da bama-bamai da Ukraine ta yi amfani da su da gagarumin tasiri a yakin da take yi da Rasha, na zuwa ne a daidai lokacin da Iran ke barazanar hana jigilar mai daga mashigin tekun Hormuz, matattarar kashi daya bisa biyar na man da ake hakowa a duniya.
Harin na farko da aka kai kan teku ya kasance ne a ranar 1 ga Maris, lokacin da wani jirgin dakon mai, MKD VYOM, ya kai kimanin mil 44 daga Oman, inda wani ma’aikacin jirgin ya mutu, in ji hukumar kula da harkokin ruwa ta Burtaniya. Hukumar Kula da Kasuwancin Maritime ta Burtaniya (UKMTO) ta ba da shawara ga jama’a cewa wani jirgin ruwa mara matuki ya afkawa jirgin dakon mai dauke da tutar tsibirin Marshall kusa da gabar ruwan, inda ya fashewa da wuta.
