A ranar Laraban da ta gabata ne kasar Malawi ta fara yiwa yara allurar rigakafin shan Inna, inda ma’aikatan lafiya ke bi ajujuwan makaranta suna diga wa yara maganin rigakafin a bakin su, da zata kare su daga cutar shan Inna.
Wannan na nuna cewa har yanzu ba’a kawar da cutar a duniya ba, wadda yawanci take kama yara, kuma tana iya jayo shanyewar jiki, duk da kokarin da Hukumar Lafiya ta Duniya tare da ‘yan hadin guiwa suka shafe shekaru 35 suna yi.
Jami’an kiwon lafiya sun amince cewa sau da dama sun yi kokarin zuwa gab da kawar da cutar, ciki har da a shekaru 5 da suka wuce, inda masu dauke da cutar 5 kacal aka samu a duniya.
Amma hukumar lafiya ta Duniya ta ce an Samu masu dauke da cutar 38 tsakanin watan Janairu zuwa watan Octobar shekara ta 2025, dukkan su kuma a kasashen Pakistan da Afghanistan, da kuma wasu 151 da allurar rigakafin shan inna ta haddasa musu cutar a kasashe 13.
