Shugaban Amurka Donald Trump ya ce ba zai yi amfani da karfin soja don kwace tsibirin Greenland ba, da yake magana a taron tattalin arziki na duniya da ake gabatarwa a Davos, kasar Switzerland a ranar laraba.
Amma ya jaddada kudurin sa na karbe ikon yankin na Denmark, kuma ya nuna alamun akwai abin da zai biyo baya idan aka kawo masa cikas wajen aiwatar da kudurin nasa.
Ya ce mutane suna zaton zan yi amfani da karfin soja, amma ba sai na yi hakan ba, bana so na yi amfani da karfin soja, Trump ya fada ba tare da bayyana irin matakin da zai dauka ba.
Trump ya ce yana so a yi tattaunawar sulhu da gaggawa kan mallakawa Amurka Greenland, wanda yankin kasar Demnark ne. Ya ce suna da zabi, zasu iya yarda, Amuka ta gode musu. Idan kuma suka ki, Amurka zata tuna.
Hannayen jari a Amurka sun farfado, bayan da suka tafka asarar sakamakon takaddamar mallakar Greenland da ya janyo ‘yan kasuwa suka rika sai da hannyen jarin su.
