Ga Fili Ga Doki
Masu sauraron GTA Hausa Amurka Ke Magana barkanmu da dawowa sabon shirin Ga Fili Ga Doki wanda ke kawo zazzafar muhawara kan lamuran siyasa da sauran darussan yau da kullum.
Shin APC na shirin mamaye dukkan jihohi ne ta hanyar yadda gwamnonin adawa ke sauya sheka zuwa APC? Sabuwar laimar adawa wato jam’iyyar ADC na cewa gwamnoni ba nuna lashe zabe ba ne don tamkar kasuwa ce inda yawan mutane ke sanya ta tasiri ba tarin rumfuna ba. Duk da haka a siyasar Najeriya gwamnoni na da tasiri wajen lamuran zabe da gaskiya ko da bi ta bayan fage.
A karshen makon jiya ma gwamnan jam’iyyar PDP na jihar Taraba Agbu Kefas ya yi bankwana da jam’iyyarsa ya shige APC “na shirya a Asabar 31 ga watan Janairu 2026 zan sauya sheka a hukumance zuwa APC, jihar Taraba na da yanyin zaman lafiya daidon gwargwado don haka mu ke ganin za mu yi buki lafiya” Inji gwamna Kefas wanda ya kayar da dan takarar APC a zaben 2023 Sanata Yusuf A Yusuf yau kuma ga shi nan a APC. Shin me muradin dan siyasar Najeriya ne?
