Ga Fili Ga Doki
Masu sauraron GTA Hausa Amurka ke magana barkanmu da dawowa sabon shirin Ga Fili Ga Doki da ke kawo zazzafar muhawar kan siyasa da lamuran yau da kullum tsakanin bangarori da ke hamayya da juna.
Bayan gudanar da babban taro na kasa na tabbatar da shugabancin David Mark, babbar gamayyar ‘yan adawa ta ADC na zuba ido kan kotu don samun maslahar dambarwar shugabanci da ta sa hukumar zabe janye sunayen bangarori biyu da ke da’awar zama sahihai ga jagorancin jam’iyya.
Jigon gamayyar Adamu Hassan Bunun Kashere na nuna kwarin guiwar samun nasara da ma ADC za ta shiga babban zaben 2027.
Wannan shi ne shirin karshe na muhawara tsakanin mataimakin shugaban APC na Arewa maso yamma Garba Datti Muhammad da jami’in ofishin ketare na ADC Maigari Bello Kasimu.
Sabon shirin zai shiga zazzafar muhawara tsakanin Barista Ismaeel Ahmad na APC da Yau Sarkin Bindigar Daura na ADC.
