Gwamnan jihar Bauchi, Sanata Bala Abdulkadir Mohammed, ya jagoranci tsohon Shugaban Ƙasa, Goodluck Ebele Jonathan, a wani rangadi zuwa Gandun Dajin Yankari Game Reserve, inda suka duba wasu muhimman ayyukan more rayuwa da gwamnatin jihar ta gyara tare da inganta su.
Daga cikin wuraren da suka ziyarta akwai sabuwar tashar samar da wutar lantarki ta hasken rana mai ƙarfin 500KVA, wadda aka samar domin inganta samar da wutar lantarki a Yankari.
Haka kuma, Gwamna Bala Mohammed da tsohon Shugaba Jonathan sun duba Gidan Tarihi na Yankari da kuma Wikki Warm Springs, waɗanda aka yi wa gyare-gyare da ingantawa a ƙarƙashin gwamnatin Jihar Bauchi.
