Masu shirya jana’iza ta musamman ga marigayi jagoran Iran, Ayatullah Sayyid Ali Khamenei, sun sanar da cewa za a jinkirta gudanar da jana’iza da kuma binne gawarsa har sai bayan kwanaki goma na farkon watan Muharram.
Kamfanin Dillancin Labarai na Tasnim ya bayyana cewa, masu shirya taron, an ɗauki wannan mataki ne domin kammala shirye-shirye da tsare-tsaren da suka dace gabanin manyan bukukuwan tunawa da marigayin, waɗanda ake sa ran za su samu halartar al’ummar Iran da kuma baƙi daga ƙasashe daban-daban.
Tun da farko hukumomin Iran sun bayyana aniyarsu ta gudanar da jana’izar ƙasa ta kwanaki da dama, amma har yanzu ba a fitar da cikakken jadawalin lokutan jana’izar da kuma binne gawar ba.
Ana sa ran kwamitin shirya jana’izar zai sanar da cikakkun bayanai kan ranakun da wuraren gudanar da bukukuwan nan gaba kaɗan
