Daga ranar 1 ga watan janairu, China ta kakaba haraji kan dukkan magunguna da wasu kayan jima’i da zasu iya hana mace daukar ciki, da zummar kwadaitawa ‘yan kasar haifuwa, yau fiye da shekaru 30 China ta dauke haraji kan irin wadannan kayayyaki.
Daga yanzu kororon roba ko Condom da turanci da sauran kayayyaki na jima’i da za su iya hana mace daukar ciki, za a biya haraji VAT kashi 13 cikin dari kamar dai harajin da ake biya idan aka yi ciniki.
Kasar Sin, tana daukar wannan matakin ne yayinda hukumomin kasar dake Beijing suke kokarin bunkasa hayayyafa, a kasar ta biyu a karfafin tattalin arziki, kuma yawan al’umar kasar shekaru uku ajere yana kara ja’da baya, kuma kwararru suna gargadin cewa lamarin zai dore.
Manyan jami’an kasar a wani taro game da harkokin tattalin arziki da aka yi cikin watan jiya, sunyi alkawarin za su “karfafa auratayya da renon yara,” domin ta sami daidaito kan hayayyafa a kasar.
