Najeriya zata iya kara mai da take hakowa da ganga dubu dari a kowace rana, na watanni masu zuwa, inji shugaban kamfaniin mai na Najeriya NNPC Bashir Bayo Ojulari.
Najeriya tana hako danyen mai ganga milyan daya da dubu dari shida zuwa dari bakwai ako wace rana a bara, yanzu tana hankoron ta kai ganga milyan daya da dubu dari takwas ako wace rana, kamar yadda Bayo ya gayawa kamfanin dillancin labarai na Reuters a gefen babban taron masu ruwa da tsaki a bangaren makamashi da ake yi a jahar Texas, lokacin da yake amsa tambayar ko Najeriya zata iya cike gibin da yakin hadin guiwar Amurka da Isra’ila kan Iran suka haifar na karancin mai.
Da yake amsa tambayoyi a zauren taron Mr. Ojulari yace kamfanin NNPC ya gudanar da cikakken bincike game da harkokin kamfanin a bara, yanzu ya fara aiawatar da suye sauyen da ake bukata.
