Babban kamfanin duniya dake auna lafiyar tattalin arziki kasashe da kuma kamfanin da ake kira S&P a takaice ya zake auna kasar Congo ya bata kyakkyawar maki, domin tsamanin kasar zata sami ci gaba ta fuskar haraji da tattali da dukiyar kasa, da kuma kyautatuwar yanayi na kasuwanci, da kuma ci gaba da cinikin ma’adinai a ketare, da kuma suye sauye da kasar take yi da yake samun goyon bayan asusun bada lamuni na duniya da ake kira IMF a takaice.
Kamfanin S&P, yace daga yanzu zuwa shekaru uku nan gaba tattain arzikin Kwango zai habaka da kamar kashi 5 cikin dari, hakan zai sa ta tserewa sa’o’inta dake yankin, ganin yadda cinikin ma’adinai da ake kira Cobalt da Copper da turanci suke da karfi.
Sake duba matsayar tattalin arzikin na Congo da kamafanin S&P yayi, ya biyo bayan nazari da asusun IMF yayi.
Duk da haka asusun na IMF yayi gargadin cewa kasar tana iya fuskantar hatsari ko kalubale saboda rashin tabbas kan farashin ma’adinai, da kuma ci gaba da rikici a kasar tsakaninta da ‘yan tawaye da Rwanda take baiwa goyon baya, wadda yake tilastawa gwamnati wajen juya abun hanunta.
