Kotu a Amurka tana tuhumar wani dan jarida Don Lemon da karya dokokin kasa na hakkin dan Adam, bayan da hukumomi suka kama shi kan zargin taka rawa wajen wata zanga-zangar adawa ga Jami’an shige da fice da ya hargitsa bauta da ake gudanarwa a wani coci a jihar Minnesota, a cewar Ma’aikatar tsaron cikin gida na kasa ranar Jumu’a.
A ranar Alhamis ne jami’an tsaro suka kama Don Lemon a birnin Los Angeles da ke jihar California, yayin da yake daukan rahoto a bikin taron bayar da kyautar grammy. Lawyan sa Abbe Lowell ya ce ana sa ran zai gurfana a kotu ranar Jumu’a da rana.
Juri a kotu dake Minnesota sun kama Don Lemon tare da wasu da laifin tsangwama, da kuma danne hakkin damar da doka ta bawa masu bauta lokacin wata zanga-zanga da aka gudanar a wani coci a St Paul, babban birinin Minnesota, inda wani jami’in shige da fice ya ke a matsayin fasto.
