Masu bincike a kasar Amurka sun ce wani sabon magani da ake gwajinsa, yana rage kitsen dake toshe manyan jijiyoyin jini a jikin mutanen da duk da cewa suna shan maganin rage kitsen, ba ya kawar musu da kasadar samun ciwon zuciya.
Duk da cewa har yanzu ana gwajin wannan kwayan maganin ne, amma masanan sun ce yana iya kawar da irin wannan kitse da ake kira Cholesterol a turance, mai toshe jijiyoyin jini da kawo tsayawar zuciya, ta yadda a yanzu ba ya yiwuwa sai idan an yi ma maras lafiya allurar wasu magungunan da zasu iya narkar da shi a cikin jininsa.
Masanan suka ce idan har Hukumar Kula da Abinci da Magunguna ta Amurka ta amince da wannan sabon magani mai suna ENLICITIDE, zai taimaka ma miliyoyin mutane wajen samun hanya mai sauki ta kawarwa ko rage irin wannan mummunan kitse mai toshe hanyoyin jini, Cholesterol.
