Farashin danyen man fetur a Amurka ya tashi, idan aka kwatanta da na Brent wanda yanzu tashin shi mafi girma cikin shekaru 11 a jiya Laraba, yayin da hare-hare kan cibiyoyin mai a Gabas ta Tsakiya suka ɗaga farashin ma’aunin duniya (Brent), yayin da ƙarin samar da mai a Amurka ke shirya ƙara fitar da mai zuwa ƙasashen waje.
Yaƙin Amurka da Isra’ila da Iran ya jefa kasuwannin mai na duniya cikin rudani, inda ya sa farashin danyen mai da man fetur suka kai matakan da ba a gani ba cikin shekaru da dama, sakamakon rufe muhimman hanyar kasuwanci da kuma dakatar da wasu hanyoyin samar da makamashi a Gabas ta Tsakiya. Ƙarin tashin farashin Brent idan aka kwatanta da man Amurka ya haifar da damar cin riba (arbitrage) ga ‘yan kasuwa, ta hanyar kai mai zuwa kasuwannin da farashi ya fi tsada.
danyen Man a Amurka na West Texas Intermediate (WTI) an yi hada-hadar shi da ragi har zuwa dala $12.05 kowace ganga idan aka kwatanta da Brent a jiya Laraba mafi girma tun watan Maris na shekarar 2015.
Duk da cewa farashin jigilar man fetur ta jirgin ruwa irin na Aframax (mai ɗaukar ganga har 700,000) daga gabar tekun Gulf, Amurka zuwa Turai ya tashi zuwa kusan dala miliyan $6 daga $4.36 miliyan kafin yaƙin, har yanzu damar cin riba tana nan.
