Shugaba Donald Trump na Amurka ya fada jiya talata cewa, tayiwu Amurka ta kammala yakin Iran cikin makonni biyu zuwa uku.
“Zamu bar kasar nan bada jumawa,” Trump ya fadawa manema labarai a ofishin shugaban Amurka da ake kira Oval office, ya kara da cewa, zai iya kasancewa cikin mako biyu, ko mako biyu watakil uku.”
Wannan itace furuci shine karara da Trump ya bayyana anniyarsa na kawo karshen yakin na tsawon wata daya yanzu, mataki da ya sake fasalin yankin gabas ta tsakiya, ya kassara kasuwannin makamashi, kuma ya sauya alkiblar shugabancin sa na Amurka.
Shugaba Trump ya kara da cewa, Tehran bata bukatar ta kulla wata yarjejeniya da Amurka, domin kawo karshen yakin.
Maimakon haka, Trump yace sharadi ko bukatar kawo karshen yakin shine ganin an maida Iran cikin akurkin zamanin jahiliyyar ta yadda ba zata sake samun damar tunanin kera makaman Nukiliya ba.
